باخیش
۲۵ خرداد ۱۳۹۰
بؤلوم | یازار : aydin

اولاvahid

ايسته رم من او گولي ، اؤز گولي خندانيم اولا

اودا اؤز كونلونو وئرسين منه جانانيم اولا

تكي جانانيله بير يئرده گونوم خوش گئچسين

آرزو ائيله ييرم باغ و گوليستانيم اولا

قييمايان جانينه عاشيق دگيل اؤز ياري اوچون

من فدا ائيله يه رم ياريمه مين جانيم اولا

گونده يوز يول ائده رم جانيمي قوربان او گوله

او دا بير يول دولانيب باشيمه قوربانيم اولا

بو پري چهره لرين بيرجه گوزلليك لري وار

سئومه رم هئچ بيرين الده اگر  ايمكانيم اولا

نيله ييم كونلومه بير قويمادي آسوده اولام

گؤروم اي كاش كي ويران ، دل سوزانيم اولا

واحيد هر شوخه اينانديمسا وفاسيز چيخدي

بو گؤزللرله منيم حشرده ديوانيم اولا

شاعير : علي آقا واحد

--------------------------------------------

اولماسا

من نئيلرم او دلبري شيرين ديل اولماسا

بولبول باهاره عشق يئتيرمه ز گول اولماسا

مجنونون عشقي ليلي نين آرتيردي شهرتين

قدري بيلينمه ز ايدي گولون بولبول اولماسا

عهد ائتميشم كي هر گوزه له مايل اولمايام

منسيز بلالي كونلوم اگر مايل اولماسا

درد فراقه غفلت اؤزو بير علاج ائدر

يوخسا بو درده كيم دايانار ، غافل اولماسا

جانان جفاسيني چكن عاشيق روا دئييل

وصل نيگارينه او اگر نايل اولماسا

جور ائيله ديكجه يار منه ايسته رم اونو

ائل سئومز هر آغاجدا اگر حاصل اولماسا

واحيد كونولده عشقيمي من گيزلي توتمارام

عرفانيمه تعرض ائدن جاهل اولماسا

شاعير : علي آقا واحد

--------------------------------------------

اولماسادا

يانيندا دلبريمين اعتباريم اولماسادا

يئنه غمين چكرم غمگساريم اولماسادا

بدنده ياري جانيم قالمايب گئديب ياريم

گرك دؤزوم غم هجرانه ياريم اولماسادا

گونوم كي تار اولوب او زولف اليندن اي تانري

ترنم ائيله سني تانري تاريم اولماسادا

اوزون خيالي بسيمدير بهشت كويوندا

يوز ايل خياليمه گلمز باهاريم اولماسادا

لبينله مست گؤزون هر دوشنده خاطيريمه

شرابه رغبتيم آرتير خوماريم اولماسادا

منيم بير آهيم ايله شمعلر يانير گئجه لر

توخونما شعله عشقم شراريم اولماسادا

كمند زولف ايله (( واحد )) اؤزوم شكار اولدوم

منيم او آهو باخيشلي شكاريم اولماسادا

شاعير : علي آقا واحد

--------------------------------------------

اولسا

يار اگر مهر و وفاني دوشونن يار اولسا

غم دئييل كي بوتون عالم بيزه اغيار اولسا

اهل دل ذوق و صفاني لب جانان دان آلير

ظلم دور عاشيقه ، جاناني دل آزار اولسا

وار نه غم گؤزلرينين خسته سينه يوخدور علاج

لب لرين چاره سين ائيلر ، نئجه بيمار اولسا

زولف و خالين او مهين گؤز ياشيم ائيلر روشن

گئجه آيدينليق اولار ، ثابت و سيار اولسا

يار اگر عاشيقه غمخوارليق ائتمزسه نه غم

غم اودور اؤزگه يه معشوقه سي غمخوار اولسا

گؤزلرين شوق ايله قان تؤكمه گه چوخ راغيبدير

مست دير ، بونجا خطا ائيله مز هوشيار اولسا

وار اميديم منه ، واحد داها ظلم ائتمه يه جك

حال زاريمدان او مهپاره خبردار اولسا

شاعير : علي آقا واحد

--------------------------------------------

اؤزون

 

ائتدي پينهان ، زولف ايچينده اول ملك سيما اؤزون

گيزله ميش ، ابر ايچره سان مهر جهان آرا اؤزون

ليلي ساچلي بير پري ، مجنونه دؤندرميش مني

رحمه گلمز توتسادا ، آهيم اودي دونيا اؤزون

يوز گؤزه ل اؤز سئوگيليم دن باشقا آچماز كونلومي

شبهه سيز مجنونه ، گوسته رسين گره ك ليلا اؤزون

يار سيز گول اوزلو جانان سيز بساط باده ده

قان اولور كؤنلوم گؤزوم گؤرسه ، مئي حمرا اؤزون

يوز كونول مين نازيله باخديقجا قان ائتسين گره ك

گؤسته رينجه عاشيقه بير دم او گول رعنا اؤزون

بير منيم كؤنلوم دگيل ، ديوانه سي مه رو لرين

من كيمي مينلرجه مجنون لار توتوب صحرا اؤزون

زولف دن ، ديوانه دن دير هر سؤزون واحد يئنه

گؤسته رير بير گون سنه عارف لر استهزا اؤزون

شاعير : علي آقا واحد

--------------------------------------------

مندن

سن زلفيني آچ، توك اوزونه ، شانه سي مندن

زنجيري نشان وئر منه ، ديـــــوانه سي مندن

سن عاشقي يانديرماقا ، من يانماقـــا مايــيل

سن شمعيني گوستر، منه ، پروانه سي مندن

زلفون قدري ، عاشق اولان وار. سنه اي گل

سن سويله، اومجنونلاري ، افسانه سي مندن

سرمست گوزون، فتنه لبين ، نشئه لي باده

ايچديرمنه ، اول بادني – پيـــمانه سي مندن

سن ناز ايله گل كي ، صدفين، قيمتي آرتسين

كوزياشي كيمي ،اينجيسي. دردانه سي،مندن

هردم گوتور،اوزدن. گوزه ليم، افعي لي زلفين

چك ظاهره، گنجينه ني – ويـــرانه سي مندن

"واحد"مي ي ، ترك ائتمك اوچون–پيرمغانين

رنجيده اولوب ، بيرنئچه . مســـتا نه سي مندن

شاعير : علي آقا واحد

--------------------------------------------

نازلي ديلبر اولا

شراب اولا ، من اولام ، بيرده نازلي ديلبر اولا

بير اؤزگه عالمي واردير اگر ميسر اولا

صفاي مجلس مئي ، مين بهشتدن آرتيق دير

بير الده گول توتا جانان ، بير الده ساغر اولا

اولاندا مست ، آچار زولفون نيگار ، نشئه سي وار

عمومه ذوق وئره بزم مي معطر اولا

بساط باده ده حال اهلينين فداسي ، اولوم

شرابي قال ايله ايچمه ، اگر پيمبر اولا

اسير زولفونم ائي شوخ ، گل آجيقلانما

اسيره حرمت ائدرلر اگر كي كافر اولا

نه ليلي سن كيمي اولموش ، نه من كيمي مجنون

نه كاره دير  گليب اونلار بيزه برابر اولا

گؤرنده ، واحد ، اوزون ياريمين اسير كونلوم

نه نوع ساكت اولار اود اولا سمندر اولا

  شاعير : علي آقا واحد

--------------------------------------------

اوز باشينا

بوراخما اي كونول ، او نازلي ياري اوز باشينا

روا دئييل قالا ائللر نگاري اوز باشينا

گؤز ايله كيپريگي بيرليكده قان تؤكور گئجه لر

عجب قاليب گئنه دريا كناري اوز باشينا

قراره گلدي رقيب ال گؤتورسون اول گولدن

نه اعتبار اونا ، دئسين قراري اؤز باشينا

او قاره گؤزلونو گؤزدن كناره قويما كونول

بوراخماز اووچي گوزل بير شيكاري اوز باشينا

گول اوزلولر نه قدر وارسا باغباني منم

نئجه قويوم بئله بير گول عذاري اوز باشينا

رقيبي ياره طرف قويمايين ياخين گلسين

كي گول سولار گؤره بير بوته خاري اؤز باشينا

عمومه خدمت ائله ، واحد ، آرتيب انسانلار

كي ، سانما ائل قازانيب اعتباري اوز باشينا

شاعير : علي آقا واحد

--------------------------------------------

باخديقجا

كونوللر قان اولور سنسيز ، گول گول حميرايه باخديقجا

گوزللر ياد ائدير خورشيد رويين ، آيه باخديقجا

اگر گول لب لرين ، مي مجليسينده گئچسه خاطيردن

اليمده قان اولور بادم مي مينايه باخديقجا

فضاي عشقده ديوانه ليك دن باشقا شئي يوخدور

بيلر افسانه در (( مجنون ايله ليلايه )) باخديقجا

منيم عاشيق ليقيم مجنون دان آرتيق دير بيلير عالم

اونو ياد ائيله مز هر كيم من رسوايه باخديقجا

طبيعتده نه گيزلين سرّلار وار ايندي ظاهيردير

قالير حيرت ده انسان هر بت زيبايه باخديقجا

سني گولزار ايچينده گول گورركن ياد ائدر ائللر

مني خاطيرلاياللار بوبول شيدايه باخديقجا

محبت سيز گوزل سيز گون گئچيرمك هئچ نه دير (( واحيد ))

يئنه سئومك ، سئويلمك ياخشي دير دونيايه باخديقجا

شاعير : علي آقا واحد

--------------------------------------------

افغانيميزا

گولسه هر كيمسه بيزيم ديده گريانيميزا

دوشسون عالمده گوروم حال پريشانيميزا

عشق چوخ دلبر بي مهره اسير ائتدي بيزي

بيري رحم ائيله مه دي ناله و افغانيميزا

دوست سانديق گؤروب هر شوخي بلاسين چكديك

دوشمن اولدو يئنه آخيردا بيزيم جانيميزا

 ذوق آلار عشقيده بيزدن گؤروب احواليميزي

هانسي درد اهلي اگر گلسه بيزيم يانيميزا

زولف زنجيرينه عقليله اسير اولماميشيق

عشق ديوانه سي ييك باخما بو نقصانيميزا

گلدي گول فصلي بيزي ساقي نظردن سالدي

پير ميخانه گره كدير باخا ديوانيميزا

دم غنيمتدي مي ايچ ثابتي واحيد باشا سال

بير علاج اولسا اودور درد فراوانيميزا

شاعير : علي آقا واحد

--------------------------------------------

دئدي دئديم

دئديم:اي غنچه دهن،كونلومو قان ائيله ميسن،

دئدي:بيجا يئره عشقيمده فغان ائيله ميسن!

دئديم:انصاف ائله،اينجيتمه مني،عاشيقينم،

دئدي:گئت،سيرريمي دونيايا عيان ائيله ميسن!

دئديم:- آغلاتما مني سرو بويون شوقونده،

دئدي:گوز ياشيني بيهوده روان ائيله ميسن

دئديم:- آخير گوزه ليم،باغ و باهاريم سنسن،

دئدي:- سن عومرونو حسرتله خزان ائيله ميسن.

دئديم:- آز چكمه ميشم گوزلرينين حسرتيني،

دئدي:- اوز كونلونو يئرسيز نيگران ائيله ميسن.

دئديم :عشقينده اسيرم،منه بس خيري نه دير؟

دئدي:- اولده بو سئودادا زيان ائله ميسن.

دئديم:عشق اتشي نئيلر منه،قورخان دئييلم!

دئدي:-بيچاره يانارسان نه گمان ائيله ميسن؟!

دئديم:- اي گول،من ازلده نده گوزل عاشيقييم،

دئدي:- سن روحونو عشق ايله جاوان ائيله ميسن.

دئديم:- هر گون سر-كويوندا دولانماقدير ايشيم،

دئدي:- واحد،نه گوزه ل يئرده مكان ائيله ميسن!

شاعير : علي آقا واحد

--------------------------------------------

بير ديلبريم اولسا

اولمزديم اگر سن كيمي بير ديلبريم اولسا

بير آفت جان ، شوخ ملك ، منظريم اولسا

هر گون دولانيب باشينا ، قوربانين اولارديم

پروانه صفت ، اوچماقا ، بال و پريم اولسا

منده سئويلرديم ، بوتون عاشيقلر ايچينده

آهولري مجنون ائلييه ن گؤزلريم اولسا

شوقيله نثار ائيله رم ، هر بير قدمينده

دريا قدري الده ، دورّ و گوهريم اولسا

كويوندا منه قوي نه بيلير ، ائيله سين اغيار

البته جزاسين چكر ، آللاه كريم اولسا

بيگانييه من بير بئله منت مي ، ائدرديم

كونلوم كيمي بير يار وفاپروريم اولسا

واحيد دئمه رم درديمي من باشقا نيگاره

ياريم بيلير عشقينده نه درديسريم اولسا

شاعير : علي آقا واحد

--------------------------------------------

بيرده جاوان اولماقيما

بير سبب يوخ دئمه روسواي جهان اولماقيما

غنچه آغزين كيمي خلق ايچره نهان اولماقيما

مني صد حيف قوجالتدي بو گوزللر سيتمي

يوخدور امّيد داحي بيرده جاوان اولماقيما

قامه تين جلوه سي چشميمده گزير وجهي اودور

چشمه تك هر يانا اي سرو روان اولماقيما

موميانين هوسي غونچه دهانين فيكري

سبب اولدو بئله بي نام و نشان اولماقيما

انتظارم كي ، وئرم جانيمي ، گورجك يوزوني

نولا اي گول بير علاج ائت نگران اولماقيما

يانيرام عشق اودونا ثابت اينان مجنون تك

ليلي اولسا ياناجاق شعله فشان اولماقيما

واحيدم درد و غم غربته تابيم يوخدور

وار اميديم يئنه اولكمده عيان اولماقيما

 

شاعير : علي آقا واحد

--------------------------------------------

كونول

ديل بيلن سوز آنلايان بير نازلي يار ايستر كونول
لاله دن گول دن گوزل بير نو بهار ايستر كونول
اعتبارين گورمه يينجه سئومه رم بير ديلبري
نازنين مهپاره لردن اعتبار ايستر كونول
هر قارا زولفون اسيري اولمارام بوندان سورا
ايندي عالم ئوزگه دير خوش روزگار ايستر كونول
اويناماق، گولمه ك ، دانيشماق ، عيش و نوش اياميدير
بلبل شيدا كيمي مين لاله زار ايستر كونول
هر طرف گولدير، چيچكدير بئيله آزاد ئولكه ميز
دائم ئوز خوشبخت خلقين بختيار ايستير كونول
بختور ((واحد))، او كسلر دير بو خوش عالمده دير
هر زمان بو خوش حياتي پايدار ايستر كونول

شاعير : علي آقا واحد

--------------------------------------------

سن ناز ايله بير سوز دئدين ،ائي جان ، باشا دوشدوم،

اغياره اولان مئيليني پنهان  باشا دوشدوم.

قلبينده نه لر وار ، اونو بيگانه  دوشونمز ،

گورجك سني ،ائي سئوگيلي جانان ، باشا دوشدوم.

مجنون ائدن عشق اهليني كيم دير ،نه بيليرديم،

زولفون كي سحر اولدو پريشان ،باشا دوشدوم.

گوردوكده زنخدانيني بيلديم كي ،او يوسيف ،

اولموش نه اوچون لايقئ – زندان ، باشا دوشدوم.

دردي غمئ – هيجرانه چتين ليك يئري يوخموش ،

بوموشكولو گولمك قيلير آسان ، باشا دوشدوم.

گول اوزلو گوزهل بير صنيمين اولدوم اسيري،

بولبول كي ، ائدير ناله وافغا ن، باشا دوشدوم.

سوردوم ، ساغالان درد دئييل  عشق بلاسي ،

اولمك دير اونون چاره سي آسان ، باشا دوشدوم.

واحيد ، اگر اميدئ – وصال ائيلمه سه يديم ،

ييخميشدي مني محنت وهيجران باشا دوشدوم.

شاعير : علي آقا واحد

--------------------------------------------

بيز قالديق

يئتيشدي غير عاشيقلر ويصال ياره بيز قالديق

خلايق چاره تاپدي دردينه بيچاره بيز قالديق

هامي اؤز سئوديگي معشوقه سيله شادكام اولدو

يانان پروانه لر تك روز و شب اودلاره بيز قالديق

رقيب بي مروت لر فرحناك اولدو عالمده

سئويب جاناني حسرت طره طراره بيز قالديق

كئچيرتديك تير نازين سينه دن هر ماه رخسارين

گئنه بي مهر چيخدي طعنه اغياره بيز قالديق

محبت گولشنينده بير گول اكديك زحمتين چكديك

صفاسين اؤزگه لر گؤردو جفاي خاره بيز قالديق

بوتون ديوانه لر واحيد كمندين دن خلاص اولدو

گئنه او زولفه باغلي متصل آواره بيز قالديق

شاعير : علي آقا واحد

--------------------------------------------

اؤزون

ائتدي پينهان ، زولف ايچينده اول ملك سيما اؤزون

گيزله ميش ، ابر ايچره سان مهر جهان آرا اؤزون

ليلي ساچلي بير پري ، مجنونه دؤندرميش مني

رحمه گلمز توتسادا ، آهيم اودي دونيا اؤزون

يوز گؤزه ل اؤز سئوگيليم دن باشقا آچماز كونلومي

شبهه سيز مجنونه ، گوسته رسين گره ك ليلا اؤزون

يار سيز گول اوزلو جانان سيز بساط باده ده

قان اولور كؤنلوم گؤزوم گؤرسه ، مئي حمرا اؤزون

يوز كونول مين نازيله باخديقجا قان ائتسين گره ك

گؤسته رينجه عاشيقه بير دم او گول رعنا اؤزون

بير منيم كؤنلوم دگيل ، ديوانه سي مه رو لرين

من كيمي مينلرجه مجنون لار توتوب صحرا اؤزون

زولف دن ، ديوانه دن دير هر سؤزون واحد يئنه

گؤسته رير بير گون سنه عارف لر استهزا اؤزون

شاعير : علي آقا واحد

--------------------------------------------

كونلوم

گه لوبدور تنگه اي ظالم ستمله قان اولان كونلوم

هميشه باغ وصلينده گولوب خندان اولان كونلوم

دوشوب مجنون كيمي صحرايه بير ليلي فراقيندا

بوتون عاشيقلر ايچره منبع عرفان اولان كونلوم

نه اولدو بيلمه ديم دوشدو جدا گولزار كويوندان

هميشه خوان وصلين بزمينه مهمان اولان كونلوم

كيمه بيلمم گئديب اظهار قيلسين محنت عشقين

دونوبدور قانه هجرينده غمي پنهان اولان كونلوم

نه چاره ائيله سين بيلمم خلاص ائتسين اوزون غمدن

اسير محنت و پابسته هجران اولان كونلوم

اولورمي بير زمان خرّم يئتيشسه وصل جانانه

غم هجرين له افغانلار چكيب گريان اولان كونلوم

منم فرهاد عصرين سئوديگي واحد گوزللر دير

اودور كي لاله داغين گؤسترير ويران اولان كونلوم

 

شاعير : علي آقا واحد

--------------------------------------------

دوشرسن 

بيرگون گوزه ليم قبريمين اوستن اوتوشرسن

درديندن اولن عاشيقيني باشه دوشرسن

ائتمز ملك اولسا بو قدر ناز و كريشمه

اينصافه ياخينلاش گوزليم سنده بشرسن

نازيله گلر كن قدمين قوي گؤزوم اوسته

قويما قوري يئر اوستونه بيردن سوروشرسن

بيگانه ايله گزمه دئديم قلبينه دگدي

جانان نه بيليم سن بو قده ر دگمه دوشرسن

بير سالمادين اوز عاشيقيني يادينه ظاليم

اغياريله آمما گئديب هر گون اوپوشرسن

ال چك منه اي دل دئمه زولفوندن او ماهين

بير گون بو كمنده سن اوزونده ايليشرسن

رحم ائيلمه دين (( واحيد ه )) ظاليم ديريليكده

اولدوكده مزاريمله گئدرسن گؤروشرسن

سن ناز ايله بير سوز دئدين ،ائي جان ، باشا دوشدوم،

اغياره اولان مئيليني پنهان  باشا دوشدوم.

قلبينده نه لر وار ، اونو بيگانه  دوشونمز ،

گورجك سني ،ائي سئوگيلي جانان ، باشا دوشدوم.

مجنون ائدن عشق اهليني كيم دير ،نه بيليرديم،

زولفون كي سحر اولدو پريشان ،باشا دوشدوم.

گوردوكده زنخدانيني بيلديم كي ،او يوسيف ،

اولموش نه اوچون لايقئ – زندان ، باشا دوشدوم.

دردي غمئ – هيجرانه چتين ليك يئري يوخموش ،

بوموشكولو گولمك قيلير آسان ، باشا دوشدوم.

گول اوزلو گوزهل بير صنيمين اولدوم اسيري،

بولبول كي ، ائدير ناله وافغا ن، باشا دوشدوم.   

سوردوم ، ساغالان درد دئييل  عشق بلاسي ،

اولمك دير اونون چاره سي آسان ، باشا دوشدوم.

واحيد ، اگر اميدئ – وصال ائيلمه سه يديم ،

ييخميشدي مني محنت وهيجران باشا دوشدوم.

شاعير : علي آقا واحد

--------------------------------------------

سئوگيلي جان

بيلسن گوزليم سن نه قدر سئوگيلي جانسان

ظلم ائيله مه قوي سويله مه سينلر جان آلانسان

سوسدورما او گول چهره ني آلدانما رقيبه

اوز قدريني بيل كي نه قدر ايندي جاوانسان

اغياره اينانما گوزليم قورخورام اوندان

چوخ ساده سن هر سؤز كي ديللر اينانانسان

گول دن ده ، چيچك دن ده ، گونش دن ده گوزل سن

سن باغ ملاحت يئتيرن سرو روانسان

گؤردوم يئنه مين نازيله بيگانيه باخدين

چوخ شبهه يه سالدين مني بيلديم نيگرانسان

گؤر بير نه گوزل ليكده يئتيرميش سني طالع

حسرت چكر عالم سنه مشهور جهانسان

واحيد بو قدر سنده كي وار عشق و محبت

دونيا قوجاليب گئتسه چتين سن قوجالانسان

شاعير : علي آقا واحد

--------------------------------------------

صولح اولماسا

ائي گول مني سن ايسته سن عومروم هدر اولماز

صلح اولماسا، اولاد وطن بخته ور اولماز

آزاده ليقي، صولحي سئويللر بيزيم ائللر

بير يئرده كي ، صولح اولسا، او يئرده ضرر اولماز

اودلار وطنين نازلي گوزه للر بورويوبدور

ائللرده مثل واركي، گوزل سيز شهر اولماز

آهيم اودو بلكه ائله سين قلبينه تاثير

نيسان سويونو ايچمه يه داشدان گهر اولماز

هيجران گئجه سي، من چكني چكمه سين اغيار

ظننيم جه قيامت گونو بوندان بتر اولماز

زولفون اوزونو توتسادا، گويچك ليگين آرتير

ظلمت گئجه لر اولماسا آيدين سحر اولماز

واحيد سنه، غم چكمه رقابت ائدن اولسا

مين گول قووشا بير يئره ، بحر خزر اولماز

 شاعير : علي آقا واحد

--------------------------------------------

محبت اهلينه 

كونول وفاسيز اولان نازلي ياره يالوارما

نه اعتبار اونا ، بي اعتباره يالوارما

داريخما ياخشي يامان روزگاريميز كئچه جك

بو بئش گون عومره گؤره ، روزگاره يالوارما

سنين ده بير گون اولار نوباهارين اي بولبول

خزان جفاسينه صبر ائيله خاره يالوارما

فقيره ، عاجزه ، مظلومه احترام ائيله

عدويه قان ايچيه نه ظلم كاره يالوارما

وطن يولوندا اولوم مرد اوچون سعادت دير

حيات اوچون فلك كج مداره يالوارما

مخالف اهلينه باش اَيمه سن ده منصور اول

اناالحق اوسته چكيلسن ده داره يالوارما

محبت اهلينه واحيد هميشه خدمت ائله

نه تاجداره نه بير شهرياره يالوارما 

شاعير : علي آقا واحد

--------------------------------------------

خوشدور 

يارين ره عشقينده كونول قان اولا، خوشدور
هيجرينده گوزوم هر گئجه گيريان اولا، خوشدور
من كي، بو قارا گوزلولر عشقينده اسيرم
سينم هدف ناوك مژگان اولا خوشدور
سن عصريميزين ايندي زولئيخاسي سان، اي گول!

عاشيق سنه مين يوسفي كنعان اولا، خوشدور
ييغما باشينا، ناز ايله بير شانه چك هردن
كونلوم كيمي، زولفونده پريشان اولا، خوشدور
گل سينه ني گوستر منه هر صبح زماني
گول بولبول اوچون چاك گريبان اولا، خوشدور
رخسارين اودو كونلومو ياخديقجا سئويننم
پروانه اوچون شعله سوزان اولا، خوشدور
جانان نه جفا ائيلسه، واحيد يئنه صبر ائت
عشق اهلي اسيري غم جانان اولا، خوشدور

شاعير : علي آقا واحد

--------------------------------------------

ايسته ميره م

گئت، گولوم، گئت منه سن جان اولاسان ايسته ميره م

 عشوه لي، سئوگيلي جانان اولاسان ايسته ميره م

بيرده گوز ياشي توكوب، كويونا گه لممم گوزه ليم

 گوروب احواليمي خندان اولاسان، ايسته ميره م

بيوفاليقدا بوتون عالمه مشهور اولدون

سن اگر حوري و غلمان اولاسان ايسته ميره م

وورموسان سينه مه مين ياره كفايتدي منه

بو سينيق كونلومه درمان اولاسان ايسته ميره م

بيوفاسان دگيلم راضي اولندن سونرا ،

قبريم اوستونده نگهبان اولاسان ايسته ميره م

پيس گونومده مني سالدين نظريندن گئتدين

ياخشي گونده منه مهمان اولاسان ايسته ميره م

< واحدين > قيمتيني بيلمه دين، اينجتدين اونو

ائله كي، اولدو پشيمان اولاسان ، ايسته ميره م

شاعير : علي آقا واحد

--------------------------------------------

ليلا كيمي اولماز

هر گول آچيلا اول گولئ رعنا كيمي اولماز

هر عاشيق اولان بولبولئ شيدا كيمي اولماز

مين لرجه بو دونييا گوزللر گئله بيرده

من سئوديگيم اول شوخي دلارا كيمي اولماز

گولدن او تمناني كي بولبول قيلير هر دن

مين باشقا تمنا بو تمنا كيمي اولما 

فخر ائتمه سين اوز سئوديگي ليلا سينا مجنون

مين لئيلي اگر گئلسه بو ليلا كيمي اولماز

واحيد دئمه كي عطريلي گوللر يئتيشيبدير

هر عطر گليب عنبري سارا كيمي اولماز

شاعير : علي آقا واحد

--------------------------------------------

گولسون منه

آخر آغلاتدين مني ، بيگانه لر گولسون منه

شمع تك ياخدين مني ، پروانه لر گولسون منه

منده يالوارام ، گوزون ياديله ، پير ميكده

ائيله مست ائتسين مني ، مستانه لر گولسون منه

پرتو خورشيد رويين جام مي ايچره گؤروب

آغلارام قوي دوريده پيمانه لر گولسون منه

قورخورام سر دهانين مي ايچيب فاش ائيله يم

مست اولام كيم عارف ، ميخانه لر گولسون منه

باغلا اول زنجير زولفونه من سرگشته ني

قويما كيم صحرانشين ، ديوانه لر گولسون منه

ليلي وش ، زولفوندن آيري ايسته رم مجنون اولام

قوي ائشيتسين بو سؤزي ، فرزانه لر گولسون منه

ييخا بيلمزدي فلك اولسايدي ييخدي هجر يار

واحدم قوي ساكن ويرانه لر گولسون منه

شاعير : علي آقا واحد

--------------------------------------------

باشا دوشدوم

سن ناز ايله بير سوز دئدين ،ائي جان ، باشا دوشدوم،

اغياره اولان مئيليني پنهان  باشا دوشدوم.

قلبينده نه لر وار ، اونو بيگانه  دوشونمز ،

گورجك سني ،ائي سئوگيلي جانان ، باشا دوشدوم.

مجنون ائدن عشق اهليني كيم دير ،نه بيليرديم،

زولفون كي سحر اولدو پريشان ،باشا دوشدوم.

گوردوكده زنخدانيني بيلديم كي ،او يوسيف ،

اولموش نه اوچون لايقئ – زندان ، باشا دوشدوم.

دردي غمئ – هيجرانه چتين ليك يئري يوخموش ،

بوموشكولو گولمك قيلير آسان ، باشا دوشدوم.

گول اوزلو گوزهل بير صنيمين اولدوم اسيري،

بولبول كي ، ائدير ناله وافغا ن، باشا دوشدوم.

سوردوم ، ساغالان درد دئييل  عشق بلاسي ،

اولمك دير اونون چاره سي آسان ، باشا دوشدوم.

واحيد ، اگر اميدئ – وصال ائيلمه سه يديم ،

ييخميشدي مني محنت وهيجران باشا دوشدوم.

شاعير : علي آقا واحد

--------------------------------------------

گرك اوددا يانا

دئمه اي گول اولورم گئتمه گؤزومدن اويانا

گرك عاشيق دؤزوب ، هر جورينه يارين دايانا

عالم عشقينده قانون محبت بئله دير

بولبول حسرت گوله ، پروانه گرك اوددا يانا

منده هيجران غميني ، قسمت اولا چكديره رم

سنين او گول يوزينه ، كونلومي حسرت قوياينا

عاقبت آتش آهيمله ، رقيب اود ، توتاجاق

اؤز جزاسين چكه جك ، قاچسا اليمدن هايانا

بير مبارز ايگيدم ، قويماديم اغياري گولوم

جنت كويونا يول تاپسين او گوندن بويانا

يا اوچون عاشيق اودور شوقيله جاندان گئچسين

كيم وفا بسلييه جك ، دوستونا جان قويمايانا ؟

سنده (( واحيد )) وطن اوغروندا چاليش مرد كيمي

اينجه قلبينده بؤيوك ، حس محبت اويونا

شاعير : علي آقا